Sjúkraþjálfari óskast til starfa hjá Heilsuleiðum ehf. á Egilsstöðum

Starfshlutfall 50 til 80%

Heilsuleiðir ehf. er vaxandi fyrirtæki í heilbrigðisþjónustu sem leitar að aðila sem vill taka þátt í spennandi uppbyggingu fyrirtækisins til framtíðar.
Starfið felst í þjálfun og meðferð einstaklinga ásamt hópþjálfun í tækjasal.

Heilsuleiðir eru með þrjú meðferðarherbergi, góðan æfingasal, sér sal fyrir börn og aðstöðu fyrir nýjar leiðir í þjálfun og heilbrigðisþjónustu.

Ef þig langar að vinna út á landi eru Egilsstaðir kjörinn staður. Þar er fallegt umhverfi með marga möguleika til útivistar og fjölbreytt menningarlíf. Stutt er í alla þjónustu og aðeins klukkustundar flug til Reykjavíkur.
Mögulegt er að útvega húsnæði ef þessi er óskað.

Umsóknin sendist á This email address is being protected from spambots. You need JavaScript enabled to view it. nánari upplýsingar veitir Lonneke van Gastel í sima 699-1917, 571-1917.
www.heilsuleidir.is

Umsókn fylgi náms- og starfsferilskrá ásamt afriti af prófskírteinum og starfsleyfi.

Eftir fund um hertar reglur um sóttvarnir föstudaginn 30. október er sjúkraþjálfurum heimilt að starfa áfram með núverandi reglum:

• Ekki séu fleiri enn 10 manns í sama rými.
• Grímuskylda fyrir 6 ára og eldri
• Fara áfram eftir öllum reglum almannavarna um hreinlæti og sótthreinsun.

Nýr sjúkraþjálfari, Ólafur Björnsson,  hefur störf hjá Heilsuleiðum 1. september nk.

Ólafur nam sjúkraþjálfun við Univeristy College Syddanmark í Esbjerg í Danmörku, þaðan sem hann útskrifaðist 2014.

Síðan hann útskrifaðist hefur hann starfað á Heilbrigðisstofnun Suðurnesja auk þess að starfa sjálfstætt. Á þessum tíma hefur hann sinnt ýmsum verkefnum og misjöfnum vandamálum skjólstæðinga sinna.

Athugið !

Viðskiptavinir Heilsuleiða eru beðnir um að mæta með andlisgrímur þegar þeir mæta í tíma hjá okkur. 

Börn eru undanskilin grímunotkun.

Heilsuleiðir ehf hafa nýlega tekið í notkun höggbylgjutæki. Það er mikið notað við meðhöndlun tennisolnboga, hælspora og vöðvafestinga í öxlum, hnjám og lærum.  Einnig mikið notað á svokallaða kveikipunkta í vöðvum.

Þeir skjólstæðingar okkar sem hafa fengið meðferð með höggbylgjutækinu eru mjög ánægðir og finnst það virka vel.

Ýmsar framkvæmdir hafa verið í gangi hjá Heilsuleiðum á síðustu vikum. Núna er kominn sér tækja- og æfingasalur fyrir fullorðna og sérstakur salur fyrir börn. Í tækjasalnum eru ýmis tæki til að auka þol og kraft og meiri möguleikar á hópþjálfun en einnig einstaklingsþjálfun eftir þörfum. Salurinn fyrir börnin hefur verið endurbættur með þarfir barna í huga og einnig eru komin mörg ný og skemmtileg leikföng til að örva skynjun og hreyfiþroska.

Meðferðarherbergin eru orðin 3 og góð aðstaða í þeim öllum.